'కోడి పందాలు జరగకుండా గతంలో ఇచ్చిన ఆదేశాలు పాటించాలి'

సంక్రాంతి పండుగ సందర్భంగా రాష్ట్రంలో కోడిపందాలు జరగకుండా చర్యలు తీసుకోవాలని అధికారులకు హైకోర్టు ఆదేశించింది. ఈ సందర్భంగా గతంలో ఇచ్చిన ఆదేశాలను తప్పనిసరిగా పాటించాలని స్పష్టం చేసింది. తూర్పుగోదావరి జిల్లా పెదపూడి గ్రామానికి చెందిన పాత్రికేయుడు షేక్ సలీం వేసిన పిల్​పై ధర్మాసనం విచారణ జరిపింది.

సంక్రాంతి వేళ కోడి పందేలు జరగకుండా తగిన చర్యలు తీసుకోవాలంటూ గతంలో ఇచ్చిన ఆదేశాల్ని కచ్చితంగా అమలు చేయాల్సిందేనని.... అధికారులకు... హైకోర్టు స్పష్టంచేసింది . హైకోర్టు న్యాయమూర్తులు జస్టిస్ జోయ్ మాల్య బాగ్చీ , జస్టిస్ ఏవి శేషసాయితో కూడిన ధర్మాసనం ఈ మేరకు ఆదేశాలిచ్చింది . తూర్పుగోదావరి జిల్లాలో కోడిపందేలు , బెట్టింగ్ లను నిలువరించేందుకు అధికారులు చర్యలు తీసుకోవడం లేదని పేర్కొంటూ ...ఆ జిల్లాలోని పెదపూడి గ్రామానికి చెందిన పాత్రికేయుడు షేక్ సలీం హైకోర్టులో పిల్ వేశారు . ఈ వ్యాజ్యంపై విచారణ జరిపిన ధర్మాసనం .. కోడి పందేలు జరగకుండా చూడాలని కలెక్టర్లను , ఎస్పీలకు 2016 లో హైకోర్టు ఆదేశాలు ఇచ్చిన విషయాన్ని గుర్తుచేసింది . కోర్టు ఉత్తర్వులను అధికారులు పాటించలేదంటూ గతంలో దాఖలైన కోర్టు ధిక్కరణ కేసుతో కలిపి ప్రస్తుత వ్యాజ్యాన్ని విచారిస్తామని పేర్కొంటూ విచారణను వాయిదా వేసింది.
ఇదీచదవండి.