‘హాయ్‌.. నేను చిరంజీవిని మాట్లాడుతున్నానయ్యా.. నీ ఆరోగ్యం బాగోలేదని తెలిసింది.. నేను పెద్ద డాక్టర్‌ గారితో మాట్లాడా.. తగ్గిపోతుందని చెప్పారు..’ అంటూ ప్రముఖ సినీ నటుడు చిరంజీవి కరోనాతో చికిత్స పొందుతున్న తన అభిమానితో మాట్లాడి ధైర్యం చెప్పారు. తూర్పు గోదావరి జిల్లా అంబాజీపేట మండలంలోని ఓ గ్రామానికి చెందిన వ్యక్తి చిరంజీవి స్ఫూర్తితో సేవా కార్యక్రమాలు నిర్వహిస్తున్నారు. ఆయనకు కరోనా సోకడంతో కాకినాడలోని ఓ ఆసుపత్రిలో చికిత్స పొందుతున్నారు. విషయం తెలుసుకున్న చిరంజీవి ఆయన ఆరోగ్యంపై శనివారం ఆరా తీశారు. కాకినాడలోని ఆసుపత్రి ప్రధాన వైద్యుడితో స్వయంగా చరవాణిలో మాట్లాడారు. అనంతరం తన అభిమానితో కూడా కొద్దిసేపు మాట్లాడి మనోధైర్యం కల్పించారు.
ఇదీ చదవండి: ఆ పిచ్చుకలు, చిలకలే ఆయన నేస్తాలు..
