తూర్పు గోదావరి జిల్లా మారేడుమిల్లి ఘాట్ రోడ్లో దారి దోపిడీకి పాల్పడిన ఐదుగురు వ్యక్తులను పోలీసులు అదుపులోకి తీసుకున్నారు. నిందితులను రంపచోడవరంలోని ఏఎస్పీ కార్యాలయానికి తీసుకొచ్చారు.
ఈ నెల 23న చత్తీస్గఢ్కు వెళుతూ.. పాలమూరు ఘాట్ రోడ్డు వద్ద లారీని నిలిపి విశ్రాంతి తీసుకుంటున్న డ్రైవర్ను ఐదుగురు వ్యక్తులు కొట్టడంతో పాటు రూ. 7వేలు ఎత్తుకెళ్లారని ఏఎస్పీ బిందుమాదవ్ చెప్పారు. లారీ డ్రైవర్ అదే రోజు రాత్రి మారేడుమిల్లి పోలీస్ స్టేషన్లో ఫిర్యాదు చేశారని తెలిపారు. జిఎం వలస వద్ద నిందితులు పట్టుబడ్డారని.. వారంతా రాజమహేంద్రవరం సుబ్బారావు నగర్ కు చెందినవారని పేర్కొన్నారు . వారి నుంచి రెండు ద్విచక్ర వాహనాలతో పాటు రూ. 5వేలు స్వాధీనం చేసుకున్నామన్నారు.
ఇదీ చదవండి: పోలీసులా వేషం.. 70కి పైగా కేసుల్లో నిందితుడు
