'కాలానుగుణ వ్యాధులతో ప్రజల అవస్థలు'
రాష్ట్రంలో ఎక్కువ జనాభా ఉన్న తూర్పుగోదావరి జిల్లాలో ఏటా డెంగీ, మలేరియా వ్యాధులు సోకుతుంటాయి. అధికారులు మాత్రం ప్రమాదం ముంచుకొచ్చేవరకూ చర్యలకు చేపట్టకపోవటంపై ఆందోళన వ్యక్తమవుతోంది. జిల్లాలో గతేడాది డెంగీ పాజిటివ్ కేసులు నమోదైన 50ప్రాంతాలను బ్లాక్ స్పాట్లుగా అధికారులు గుర్తించారు. వీటిలో ఎక్కువ కాకినాడ డివిజన్‌లోనే ఉన్నాయి. కాకినాడ నగరపాలక సంస్థ పరిధిలో గతేడాది 91డెంగీ కేసులు నమోదయ్యాయి. కాకినాడ గ్రామీణంలో 92డెంగీ కేసులు నమోదయ్యాయి. పిఠాపురం, సామర్లకోట, మండపేట, తుని, రాజమహేంద్రవరం పరిధిలో మిగిలిన కేసులు నమోదయ్యాయి. ఈ ఏడాదీ ఆయా ప్రాంతాల్లో పారిశుద్ధ్యం లోపించిన పరిస్థితులు కనిపిస్తున్నా.... అధికారులు మాత్రం చర్యలు ప్రారంభించ లేదు. మురుగునీరు పొంగిపొర్లి ఇంట్లోకి వస్తోందని స్థానికులు ఆవేదన చెందుతున్నారు.
