Container Mobile House: తూర్పుగోదావరి జిల్లా తొండంగి మండలం తమ్మయ్యపేటలోని పూజిత గార్డెన్‌ యజమాని జె.అప్పారావు.. కంటైనర్ మొబైల్‌ హౌస్‌ను తయారుచేయించుకొని తన తోటలో ఏర్పాటు చేసుకున్నారు. దాదాపు 360 చదరపు అడుగుల స్థలంతో ఉన్న ఈ ఇంటిని అన్ని సౌకర్యాలు ఉండేలా అందంగా తీర్చిదిద్దారు. ఇందులో ఒక హాలు, వంటగది, ఒక పడకగది, బాత్‌రూం ఉన్నాయి. నిర్దిష్ట ఎత్తులో పిల్లర్లు వేసి..వాటిపై దీన్ని అమర్చడంతో కింది భాగంలో కారు పార్కింగ్‌, ఇతర అవసరాలకు స్థలం అనువుగా ఉంది. హైదరాబాద్‌లోని జీడిమెట్లలో దీన్ని కొనుగోలు చేశానని, విలువ రూ.7 లక్షలని యజమాని తెలిపారు. దీనిని ఎక్కడికైనా ట్రాలీ లారీపై తీసుకెళ్లవచ్చని తెలిపారు.
ఇదీ చదవండి: రాష్ట్రంలో గరిష్ఠ స్థాయికి విద్యుత్ వినియోగం.. యూనిట్‌ ధర రూ.20
