తూర్పుగోదావరి జిల్లా పి గన్నవరం - కొత్తపేట నియోజకవర్గాలకు అనుసంధానంగా ఉన్న వంతెన శిథిలావస్థకు చేరుకుని అత్యంత ప్రమాదకరంగా మారింది. జి. పెదపూడి నుంచి అవిడి వెళ్లే మార్గంలో గోరింకల ప్రధాన మురుగు కాలువపై సుమారు 50 ఏళ్ల క్రితం బల్ల వంతెన నిర్మించారు. కాలక్రమేణ ఈ వంతెన శిథిలావస్థకు చేరుకుంది. ఈ వంతెన పరిశీలించిన ఆర్అండ్బీ అధికారులు దీనిపై రాకపోకలను నిషేధించారు. పలువురు గత్యంతరం లేక ఈ మార్గంలో వంతెనపై రాకపోకలు సాగిస్తున్నారు. వంతెన పరిస్థితి బాగోలేదని… ఏ క్షణమైనా కూలిపోయే పరిస్థితి ఉందని స్థానికులు ఆందోళన వ్యక్తం చేస్తున్నారు. ఇక్కడ నూతన వంతెన నిర్మించాలని విజ్ఞప్తి చేశారు.
ఇదీ చదవండి :
