తూర్పుగోదావరి జిల్లా అల్లవరం మండలం యెంట్రుకోన గ్రామంలో భార్యను వ్యక్తి గొడ్డలితో నరికి హత్య చేశాడు. పోలీసుల కథనం ప్రకారం.. గ్రామానికి చెందిన శ్రీనివాసరావు తన భార్య వెంకటలక్ష్మి(40)ని గురువారం ఇంట్లోనే గొడ్డలితో నరికి చంపాడు. వెంకటలక్ష్మి అక్కడికక్కడే మృతి చెందింది. వీరి మధ్య తరచూ గొడవలు జరుగుతున్నాయని స్థానికులు వెల్లడించారు.
వీరికి 28, 26 సంవత్సరాల వయస్సు ఉన్న ఇద్దరు కుమారులు ఉన్నారు. పెద్ద కుమారుడికి ఇటీవలే వివాహం నిశ్చయమైంది. మరో రెండు నెలల్లో వివాహం జరగాల్సి ఉంది. నిందితుడు శ్రీనివాసరావు పరారీలో ఉన్నాడు. కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
ఇదీ చదవండి
