తిరుమల శ్రీవారిని నేడు పలువురు ప్రముఖులు దర్శించుకున్నారు. ఈ ఉదయం వీఐపీ ప్రారంభ దర్శన సమయంలో మంత్రి బొత్స సత్యనారాయణ, ఎమ్మెల్యేలు పెద్దారెడ్డి, సాయి ప్రసాద్ రెడ్డి, వెంకటరామిరెడ్డి, అపోలో హాస్పిటల్స్ ఛైర్మన్ ప్రతాప్ సి. రెడ్డి స్వామివారి సేవలో పాల్గొన్నారు. తితిదే అధికారులు స్వాగతం పలికి దర్శన ఏర్పాట్లు చేశారు. అనంతరం రంగనాయకుల మండపంలో ఆలయ ఆధికారులు స్వామివారి తీర్థప్రసాదాలను అందజేశారు.
తిరుచానూరు శ్రీ పద్మావతి అమ్మవారి సేవలో
రాష్ట్ర పురపాలక శాఖ మంత్రి బొత్స సత్యనారాయణ తిరుమల శ్రీవారి దర్శనం అనంతరం తిరుచానూరు శ్రీ పద్మావతి అమ్మవారిని కుటుంబ సమేతంగా దర్శించుకుని మొక్కులు చెల్లించుకున్నారు. ఆలయ అధికారులు స్వాగతం పలికి దర్శన ఏర్పాట్లు చేశారు. దర్శనానంతరం అమ్మవారి ఆశీర్వాద మండపంలో వేద పండితులు ఆశీర్వచనం చేసి అమ్మవారి తీర్థప్రసాదాలు అందజేశారు.
ఇదీ చదవండి: నేడు కృష్ణా, గోదావరి బోర్డుల సమన్వయ కమిటీ సమావేశం.. తెలంగాణ హాజరు అనుమానమే
