చిత్తూరు జిల్లా చంద్రగిరి మండలంలోని ముంగిలిపుట్టు వద్ద పూతలపట్టు-నాయుడుపేట జాతీయ రహదారిపై కల్వర్టు గోడను లగేజీ ఆటో ఢీ కొట్టింది. పూతలపట్టు మండలంలోని రంగంపేట క్రాస్ నుంచి తిరుపతికి తాటికాయలు తీసుకెళ్తుండగా ఈ ఘటన జరిగింది. ఈ ప్రమాదంలో ఆటోలో ప్రయాణిస్తున్న ఆరుగురికి స్వల్ప గాయాలు కాగా.. డ్రైవర్కు తీవ్రగాయాలయ్యాయి. సమాచారం అందుకున్న చంద్రగిరి పోలీసులు క్షతగాత్రులను 108లో తిరుపతి రుయాకు తరలించారు. రహదారిపై సరైన భద్రతాప్రమాణాలు పాటించని కారణంగా ఈ ప్రమాదాలు జరుగుతున్నాయని బాధితులు వాపోయారు. ఇప్పటికైనా అధికారులు స్పందించి ప్రమాదాలు జరగకుండా చర్యలు తీసుకోవాలని కోరుతున్నారు.
ఇవీచదవండి.
