'తెదేపా హయాంలో జరిగిన అభివృద్ధే కనిపిస్తోంది'

చిత్తూరు జిల్లా నగరి నియోజకవర్గంలో మున్సిపల్ ఎన్నికల ప్రచారం జోరుగా కొనసాగుతోంది. పుత్తూరు మున్సిపాలిటీలో నగరి నియోజకవర్గ ఇన్​ఛార్జ్​ గాలి భానుప్రకాశ్ ప్రచారం నిర్వహించారు.

తెదేపా హయాాంలో జరిగిన అభివృద్ధి మాత్రమే ఇప్పటికీ కనిపిస్తోందని నగరి తెదేపా ఇన్​ఛార్జ్​ గాలి భానుప్రకాశ్​ అన్నారు. పుత్తూరు పట్టణాభివృద్ధి తెదేపా గెలుపుతోనే సాధ్యమన్నారు. పుత్తూరు మున్సిపాలిటీలోని 22వ వార్డులో తెదేపా కౌన్సిలర్ అభ్యర్థి జీవరత్నం నాయుడుతో కలిసి ప్రచారం నిర్వహించారు. వైకాపా ప్రభుత్వం అధికారంలోకి వచ్చి 20 నెలలు పూర్తయినా... అభివృద్ధి మాత్రం శూన్యమని భానుప్రకాశ్ విమర్శించారు.​ పురపాలక ఎన్నికల్లో తెదేపా గెలిస్తే అన్న క్యాంటీన్లను ఏర్పాటు చేయడంతోపాటు నిరుద్యోగ యువత కోసం ఆర్నెళ్లకోసారి ఉద్యోగ మేళా ఏర్పాటు చేస్తామన్నారు.

ఇదీ చదవండి: 'నామినేషన్ల సమయంలో దౌర్జన్యాలపై ఎస్​ఈసీ స్పందన అనుమానాస్పదం'