చిత్తూరులో వాణిజ్య, వ్యాపారాల సమయం కుదింపు

కరోనా నేపథ్యంలో చిత్తూరు నగరంలో వాణిజ్య, వ్యాపారాల నిర్వహణకు సమయాన్ని కుదించారు. ఈ నిర్ణయానికి వ్యాపారులు స్వచ్ఛందంగా సహకరించాలని ఛాంబర్ ఆఫ్ కామర్స్ జిల్లా అధ్యక్షుడు ఉమామహేశ్వర్ కోరారు.

చిత్తూరు నగరంలో వాణిజ్య, వ్యాపారాల నిర్వహణకు సమయాన్ని కుదిస్తూ ఛాంబర్ ఆఫ్ కామర్స్ ప్రకటించింది. నగరంలో రోజు రోజుకూ పెరిగిపోతున్న కరోనా కేసులు కారణంగా వర్తక, వ్యాపార సంఘాల నాయకులు సమావేశమై ఈ నిర్ణయం తీసుకున్నారు. సోమవారం నుంచి నగరంలోని వ్యాపార, వర్తక దుకాణాలు ఉదయం 6 గంటల నుంచి మధ్యాహ్నం 2 వరకు తెరచి ఉంచాలని నిర్ణయించారు. నగరంలో కరోనా వ్యాప్తిని అరికట్టడానికి తీసుకున్న ఈ నిర్ణయానికి వ్యాపారులు స్వచ్ఛందంగా సహకరించాలని ఛాంబర్ ఆఫ్ కామర్స్ జిల్లా అధ్యక్షుడు ఉమా మహేశ్వర్ విజ్ఞప్తి చేశారు.

ఇదీ చదవండి: అల్పపీడన ప్రభావంతో విస్తారంగా వర్షాలు