లాక్​డౌన్​ వేళ.. రైతన్నల గోస

దేశవ్యాప్తంగా లాక్​డౌన్ ప్రకటించిన వేళ కర్షకుల కష్టాలు తీవ్రతరం అవుతున్నాయి. తాము పండించిన పంటను విక్రయించే మార్గం లేక అన్నదాతలు ఇబ్బందులు ఎదుర్కొంటున్నారు. ఓ వైపు నిత్యావసర వస్తువుల కొరత, మరోవైపు రైతన్నల అవస్థ.. వెరసి సామాన్యులపై తీవ్ర ప్రభావం చూపుతున్నాయి. పంటను తరలించేందుకు రవాణా సౌకర్యం లేకపోవడం వల్ల రైతులు ఆర్థికంగా చితికిపోతున్నారు.

చిత్తూరు జిల్లా పీలేరు నియోజకవర్గంలో సాగవుతున్న దోస పంటను కొనేవారు లేకపోవడం వల్ల రైతులు దిక్కుతోచని స్థితిలో పడ్డారు. లాక్​డౌన్ సందర్భంగా వాహనాల రాకపోకలు నిలిచిపోయాయి. ఈ పరిస్థితితో దోసకాయలు తోటల్లోనే కుళ్లిపోతున్నాయి. రైతుల కంట కన్నీళ్లు తెప్పిస్తోంది. జిల్లా అంతటా ఇదే పరిస్థితి నెలకొంది. సంబంధిత అధికారులు స్పందించి తాము పండించిన ఉత్పత్తులను అమ్ముకునేందుకు వీలు కల్పించాలని అన్నదాతలు కోరుతున్నారు.

ఇదీ చదవండి.