పెద్దలొద్దన్నా... ప్రేమే ముఖ్యమని ఒకటయ్యారు

వారిద్దరూ ప్రేమించుకున్నారు. వారి విషయాన్ని పెద్దల ముందు పెట్టారు. ప్రేమకు కులం రంగు పూసి ఇరువురి తల్లిందండ్రులు అడ్డుపడ్డేందుకు ప్రయత్నించారు. దీంతో ఎలాగైనా ఒక్కటవ్వాలని సంకల్పబలంతో నిర్ణయించుకున్న ఆ జంట... ఇంటి నుంచి పారిపోయారు. కడపలో పెళ్లి చేసుకుని చంద్రగిరికి వచ్చారు. తమ పెద్దల నుంచి ప్రాణహాని ఉందని పోలీసులను ఆశ్రయించారు.

చిత్తూరు జిల్లా చిన్నగొట్టికల్లు మండలంలో జరిగిన కథ. కమ్మలపల్లి గ్రామానికి చెందిన మహేంద్ర నాయుడు, లక్ష్మీదేవిల కొడుకు రిత్విక్​. ఎస్​.ఎన్​.పేటకు చెందిన వెంకటరాజు, సరస్వతి కుమార్తె అఖీల. వీరిద్దరు 2016-17 సంవత్సరంలో కలిసి చదువుకున్నారు. అనంతరం వారి పరిచయం ప్రేమగా మారింది. వీరి ప్రేమను పెద్దల ముందుకు తీసుకువచ్చారు. కులాలు వేరుకావటం వల్ల వీరి ప్రేమను అంగీకరించక.... పెద్దలు అడ్డుపడ్డారు. దీంతో ఇంట్లో నుంచి పారిపోయిన రిత్విక్​, అఖిల ఈ నెల 10న కడపలో పెళ్లిచేసుకుని చంద్రగిరికి చేరుకున్నారు. అఖిల తల్లిదండ్రుల నుంచి ప్రాణహాని ఉండటంతో తమకు రక్షణ కల్పించాలంటూ పోలీసులను వేడుకున్నారు.

కడపలో వివాహం చేసుకున్న ప్రేమజంట

ఇదీ చదవండి :