చిత్తూరు జిల్లా పుంగనూరు మండలం పాలెంపల్లి తండాలో కరోనా రోగి ఇంటి ముందు బ్లీచింగ్ చల్లారని ఆశావర్కర్పై దాడి చేయటాన్ని నిరసిస్తూ పుంగనూరులో ఆశా కార్యకర్తలు ఆందోళనకు దిగారు. ఈ విషయంపై పుంగనూరు అర్బన్ పోలీస్ స్టేషన్లో ఫిర్యాదు చేశారు.
పాలెంపల్లి తండాలో శ్రీరాములు నాయక్ అనే వ్యక్తి చెన్నమ్మ అనే ఆశా కార్యకర్తపై చెప్పుతో దాడికి దిగాడని వారు చెబుతున్నారు. శ్రీరాములు నాయక్ కుమార్తెకు కరోనా సోకిందనే సమాచారంతో ఏఎన్ఎం ఆదేశాల మేరకు మందులు ఇచ్చి..హోం ఐసోలేషన్ లో ఉండాలని సూచించానని.. ఇంటి ముందు పారిశుద్ధ్య కార్మికులతో బ్లీచింగ్ చల్లించినందుకు రోగి తండ్రి ఇంటికి వచ్చి తనపై దాడి చేశారని చెన్నమ్మ పోలీసులకు ఫిర్యాదు చేశారు.
ఇదీ చదవండి: ఆనందయ్య ఔషధంపై రెండో రోజు కొనసాగుతున్న పరిశోధన
