అలిపిరి వద్ద తప్పిపోయిన బాలుడి కోసం ముమ్మర గాలింపు

తిరుపతిలో తప్పిపోయిన ఛత్తీస్​గఢ్ బాలుడి కోసం పోలీసులు ముమ్మర గాలింపు చేపట్టారు. గుర్తు తెలియని వ్యక్తులు చిన్నారిని ఎత్తుకెళ్తున్న దృశ్యాలు సీసీ ఫుటేజిలో రికార్డ్​ కాగా.. వాటిని విడుదల చేశారు. దుండగులు ఎవరికైనా కనిపిస్తే సమాచారం ఇవ్వాలని అలిపిరి పోలీసులు విజ్ఞప్తి చేశారు.

అలిపిరి బాలాజీ లింక్ బస్టాండ్ దగ్గర ఫిబ్రవరి 27న తప్పిపోయిన.. ఛత్తీస్​గఢ్​కు చెందిన ఆరేళ్ల బాలుడు శివకుమార్ సాహు కోసం పోలీసులు ముమ్మర దర్యాప్తు చేపట్టారు. చిన్నారి ఆచూకీ కోసం ప్రత్యేక బృందాలను ఏర్పాటు చేసినట్లు తిరుపతి అర్బన్ ఎస్పీ వెంకట అప్పలనాయుడు తెలిపారు. గుర్తు తెలియని ఓ వ్యక్తి.. బాలుడిని తీసుకెళ్తున్న దృశ్యాలు సీసీ ఫుటేజిలో రికార్డయ్యాయి. ఈ ఫుటేజిని పోలీసులు విడుదల చేశారు. ఎవరికైనా బాలుడి ఆచూకీ తెలిస్తే సమాచారం ఇవ్వాలని పోలీసులు విజ్ఞప్తి చేశారు.

ఇదీ చదవండీ.. జీఎస్టీ ఎగవేత.. మూడేళ్లలో ఖజానాకు రూ.3 వేలకోట్లకు గండి