చియ్యవరంలో ఓటర్​పై చేయి చేసుకున్న కానిస్టేబుల్

చిత్తూరు జిల్లా తొట్టంబేడు మండలం చియ్యవరం గ్రామంలో పోలింగ్ కేంద్రం వద్ద ఉద్రిక్తత నెలకొంది. వాలంటీర్లు తీసుకువచ్చిన ఓటర్లను ముందుగా పంపడంపై నిలదీసిన వృద్ధుడి మీద... ఓ కానిస్టేబుల్ చెయ్యి చేసుకున్నాడు.

తిరుపతి ఉప ఎన్నిక పోలింగ్​ సందర్బంగా చిత్తూరు జిల్లా తొట్టంబేడు మండలం చియ్యవరంలో ఓ వృద్ధ ఓటరు​పై.. విధుల్లో ఉన్న కానిస్టేబుల్ చెయ్యి చేసుకున్నాడు. గ్రామానికి చెందిన ఓ వాలంటీర్ కొందరు ఓటర్లను నేరుగా పోలింగ్ కేంద్రంలోకి తీసుకెెళ్లడంపై ఆ వృద్ధ ఓటరు అభ్యంతరం చెప్పాడు.

ఈ క్రమంలో క్యూ లైన్​లో ఉన్న వృద్ధుడు వారిని ప్రశ్నించాడు. ఆగ్రహించిన కానిస్టేబుల్.. ఓటర్​పై దాడి చేశాడు. అతని చొక్కా పట్టుకొని కొంతదూరం లాక్కెళ్లాడు. పోలీసుల తీరుపై స్థానికులు తీవ్ర అసహనం వ్యక్తం చేశారు.

ఇదీ చూడండి: