జోన్ మనకు.. లాభాలు వాళ్లకా?

విశాఖ రైల్వే జోన్ ప్రకటన తీరు నమ్మక ద్రోహమంటూ రాష్ట్ర మేధావులు ఆగ్రహించారు. ఆదాయం ఉన్న ప్రాంతాన్ని వేరే జోన్​లో కేంద్రం కలిపిందని ఆరోపించారు. 90 శాతం ప్రాంతాన్ని రాయగఢ్ డివిజన్​లో చేర్చడంపై అభ్యంతరం వ్యక్తం చేశారు.

విశాఖ రైల్వేజోన్ ప్రకటన తీరు నమ్మక ద్రోహమంటూరాష్ట్ర మేధావులు ఆగ్రహించారు. ఆదాయం ఉన్న ప్రాంతాన్ని వేరే జోన్​లో కేంద్రం కలిపిందని ఆరోపించారు. 90 శాతం ప్రాంతాన్ని రాయగఢ్ డివిజన్​లో చేర్చడంపై అభ్యంతరం వ్యక్తం చేశారు. లోతుగా ఆలోచిస్తే విశాఖకు ఒరిగేది ఏం లేదని స్పష్టం చేశారు. పూర్తి స్థాయిలో హక్కులు సాధించుకునే వరకూ పోరాటం ఆగేది లేదని తేల్చి చెప్పారు. కడప ఉక్కు పరిశ్రమ సాధిస్తామన్నారు. ఎల్లుండి విశాఖకు రానున్న మోదీ.. రాష్ట్ర ప్రజల ఆగ్రహావేశాలు చల్లార్చేందుకే ముందు జాగ్రత్తగా జోన్ ప్రకటించారని అభిప్రాయపడ్డారు. అయినా.. విశాఖ కేంద్రంగా రైల్వే జోన్ ప్రకటించినందుకు కేంద్రాన్ని అభినందిస్తున్నట్టు చెప్పారు. ఈ విజయం రాష్ట్ర ప్రజలు, అమరుల పోరాట ఫలమే అని స్పష్టం చేశారు.