ప్రజావేదిక ఫైలు.... సీఎం జగన్ టేబుల్ పైనా

ఉండవల్లిలో చంద్రబాబు నివాసానికి సమీపంలో నిర్మించిన ప్రజావేదికపై రాజధాని ప్రాంత అభివృద్ధి ప్రాథికార సంస్థ ముఖ్యమంత్రి జగన్​కి నివేదికను అందజేసింది. ప్రజావేదిక నిర్మాణానికి ఎంత ఖర్చయిం. ఎవరికి టెండర్లు కేటాయించారు తదితర అంశాలపై సీఆర్డీఏ దీనిని రూపొదించింది.

ఉండవల్లిలోని ప్రజావేదిక నిర్మాణంపై ముఖ్యమంత్రికి సీఆర్డీఏ నివేదిక అందజేసింది. ప్రజావేదిక నిర్మాణానికైన ఖర్చు,టెండర్ల కేటాయింపు తదితర అంశాలపై ఈ నివేదికను రూపొందించింది. దీని నిర్మాణం కోసం జలవనరుల శాఖ నుంచి ఎలాంటి అనుమతి తీసుకోలేదని సీఆర్డీఏ స్పష్టం చేసింది. నదీ గరిష్ఠ వరదనీటి మట్టం కన్నా ఈ ప్రాంతం దిగువున ఉన్నందున ప్రజావేదిక నిర్మాణానికి కృష్ణా నదీ సెంట్రల్ డివిజన్ చీఫ్ ఇంజనీరు నిరాకరించారని తెలిపింది. 4 కోట్ల రూపాయలకు టెండర్లు ఖరారు కాగా....నిర్మాణం పూర్తయ్యేసరికి 7 కోట్ల 59 లక్షల రూపాయల ఖర్చయ్యిందని నివేదికలో పొందుపరిచింది. మొత్తం 15 అంశాలతో కూడిన ఈ నివేదికను సీఆర్డీఏ ప్రభుత్వానికి సమర్పించింది.

ఇదీ చదవండీ...