హైదరాబాద్ ఐటీగ్రిడ్స్​లో సోదాలు ప్రారంభం

హైదరాబాద్​ ఐటీగ్రిడ్స్​ కార్యాలయంలో సిట్​ బృందం సోదాలు నిర్వహిస్తోంది. స్టీఫెన్​ రవీంద్ర ఆధ్వర్యంలోని క్లూస్​ టీం డేటా చోరీపై తనిఖీలు చేయనున్నారు. ఐటీగ్రిడ్స్​పై తమ పోలీస్​ స్టేషన్​లో నమోదైన కేసును సిట్​ బృందానికి అప్పగించారు ఎస్.​ఆర్​.నగర్ పోలీసులు.

డేటాచోరీ కేసులో దర్యాప్తు కోసం తెలంగాణ సిట్​ బృందం రంగంలోకి దిగింది. స్టీఫెన్​ రవీంద్ర ఆధ్వర్యంలోని అధికారులు మాదాపూర్​లోని ఐటీగ్రిడ్స్​ కార్యాలయానికి చేరుకున్నారు. డేటా చోరీ కేసులో విచారణ మొదలైన తర్వాత మొదటిసారి ఐటీగ్రిడ్ కార్యాలయంలో సోదాలు జరుగుతున్నాయి.

ఐటీ గ్రిడ్స్​లో సోదాలు

సిట్ చీఫ్ ఐజీ స్టీఫెన్ రవీంద్ర స్వయంగా మాదాపూర్​లోని ఐటీగ్రిడ్ కార్యాలయానికి వచ్చి విచారణ జరుపుతున్నారు. ఈ కేసులో ప్రత్యేక దర్యాప్తు బృందాన్ని నియమించడంతో.. ఎస్‌ఆర్‌నగర్ పీఎస్‌లో నమోదైన కేసును సిట్​కు బదిలీ చేశారు.