అనంతపురం జిల్లా మడకశిర మండలం రేకులకుంట గ్రామానికి చెందిన మహిళ 108 వాహనంలోనే పండంటి మగబిడ్డకు జన్మనిచ్చింది. పురిటినొప్పులు రావటంతో కుటుంబ సభ్యులు ఆమెను మడకశిర ప్రభుత్వ ఆసుపత్రికి తీసుకెళ్లారు. అక్కడ వైద్యులు పరీక్షించి మెరుగైన వైద్యం కోసం మహిళను వేరే ఆసుపత్రికి తీసుకెళ్లాలని సూచించారు. దీంతో 108 వాహనంలో గర్భిణీని పావగడకు తీసుకెళ్తుండగా నొప్పులు ఎక్కువ అయ్యాయి. అయితే మెడికల్ టెక్నీషియన్ అప్రమత్తంగా మహిళకు ప్రసవం చేశారు. ఆ మహిళ మగ బిడ్డకు జన్మనిచ్చింది. ఆసుపత్రి వైద్యులు కష్టమని చెప్పిన ప్రసవాన్ని.. 108 సిబ్బంది చాకచక్యంగా వ్యవహరించి సుఖ ప్రసవం చేయటంతో కుటుంబ సభ్యులు వారికి కృతజ్ఞతలు తెలిపారు.
ఇవీ చూడండి...
