అనంతపురం జిల్లా విడపనకల్ మండలం డోనేకల్ చెక్ పోస్ట్ వద్ద ఎస్ఈబీ సిబ్బంది, పోలీసులు వాహనాల తనిఖీలు నిర్వహించారు. ఓ కారులో అక్రమంగా తరలిస్తున్న కర్ణాటక మద్యం భారీ స్థాయిలో పట్టుబడింది. ఇరవై నాలుగు పెట్టెల్లో 2,304 టెట్రా ప్యాకెట్ల కర్ణాటక మద్యాన్ని పోలీసులు స్వాధీనం చేసుకున్నారు. ఈ సరుకు విలువ రూ.1,20,000 ఉంటుందని పోలీసులు అంచనా వేశారు. కారులో ఉన్న వ్యక్తి మద్యం బాక్సులను అక్కడే వదిలేసి పరారయ్యాడని... వాహనాన్ని సీజ్ చేశామని ఉరవకొండ సర్కిల్ సీఐ వెంకటేశ్వర్లు తెలిపారు.
విశాఖ జిల్లా :
చీడికాడ మండలం దిబ్బపాలెం సమీపంలోని పోతలవారి కళ్లాల ప్రాంతంలో నాటుసారా తయారీ స్థావరంపై పోలీసులు దాడి చేశారు. నాటుసారా తయారీకి ఉపయోగించే 1500 లీటర్ల బెల్లం ఊటను గుర్తించి ధ్వంసం చేశారు. సారా తయారీ చేసినా.. విక్రయించినా కఠిన చర్యలు తీసుకుంటామని ఎస్సై సంతోశ్ హెచ్చరించారు.
ఇదీ చదవండి:
