ప్రభుత్వ భూమి నుంచి అక్రమంగా మట్టి తరలింపును రెవెన్యూ అధికారులు అడ్డుకున్న ఘటన... అనంతపురం జిల్లా కదిరి మండలంలో జరిగింది. కే. బ్రాహ్మణపల్లి పంచాయతీలోని ప్రభుత్వ భూమిపై కొందరు నాయకుల దృష్టి పడింది. దాదాపు నాలుగు ఎకరాల భూమిని చదును చేసి అందులోని మట్టిని అక్రమంగా తరలించేందుకు సిద్ధమయ్యారని స్థానికులు తెలిపారు.
వెంటనే రెవెన్యూ అధికారులకు ఫిర్యాదు చేయగా... అక్కడికి చేరుకున్న అధికారులు మట్టి తరలింపును అడ్డుకున్నారు. ప్రభుత్వ భూమిని కబ్జా చేసేందుకు ప్రయత్నించిన వారిపై చర్యలు తీసుకుంటామని... తహసీల్దార్ మారుతి తెలిపారు. భూమిలో హెచ్చరిక బోర్డులు ఏర్పాటు చేస్తామని పేర్కొన్నారు.
ఇదీ చదవండి:
