మాజీ మంత్రి, తెదేపా సీనియర్ నేత అచ్చెన్నాయుడి అరెస్టును నిరసిస్తూ అనంతపురం జిల్లా కదిరిలో ఆ పార్టీ నాయకులు, కార్యకర్తలు రాస్తారోకో నిర్వహించారు. వెనుకబడిన తరగతులకు చెందిన అచ్చెన్నాయుడు అరెస్ట్ ద్వారా బీసీల పట్ల రాష్ట్ర ప్రభుత్వ వైఖరి అర్థమవుతోందని విమర్శించారు. ప్రభుత్వం అనుసరిస్తున్న ప్రజా వ్యతిరేక విధానాలపై అసెంబ్లీలో నిలదీస్తారనే ఉద్దేశంతోనే అచ్చెన్నాయుడిని అరెస్టు చేశారని ఆరోపించారు. అచ్చెన్నాయుడుని వెంటనే విడుదల చేయాలని డిమాండ్ చేశారు. అనంతరం జ్యోతిరావు పూలే విగ్రహానికి వినతి పత్రం అందజేశారు.
ఇదీ చదవండి: లైవ్ అప్డేట్స్: మా బాబాయ్ చేసిన త‌ప్పేంటి?: ఎంపీ రామ్మోహన్‌నాయుడు
