అనంతపురం జిల్లా ఉరవకొండ వజ్రకరూర్ ప్రాథమిక ఆరోగ్య కేంద్రంలో మల్టీపర్పస్ హెల్త్ ఎక్స్టెన్షన్ ఆఫీసర్గా పనిచేస్తున్న శ్రీరాములు విధులకు తరచూ గైర్హాజరు అవుతున్నారని కలెక్టర్కు ఫిర్యాదులు అందాయి. కరోనా విజృంభిస్తున్న సమయంలో.. ఆరోగ్య కార్యక్రమాలు సక్రమంగా నిర్వహించడం లేదని అతనిపై ఆరోపణలు వచ్చాయి.
విధి నిర్వహణలో నిర్లక్ష్యంగా వ్యవహరించినందుకు అతన్ని విధుల నుంచి సస్పెండ్ చేయాలని కలెక్టర్ డీఎంహెచ్వోను ఆదేశించారు. విధుల్లో అలసత్వం వహించినందుకు శ్రీరాములుతో పాటు అదే కేంద్రంలో పనిచేస్తున్న ఏఎన్ఎం పద్మావతిని కూడా సస్పెండ్ చేశారు.
ఇదీ చదవండి : ఆంగ్లం రాక.. కరోనా వచ్చింది!
