కలుషిత నీటి సరఫరా.. ఆందోళనలో పట్టణ వాసులు

అనంతపురం జిల్లా ఉరవకొండలో సరఫరా అవుతున్న మంచి నీరు కలుషితంగా మారి తాగేందుకు పనికి రాకుండా ఉందంటూ పట్టణ వాసులు ఆందోళన చెందుతున్నారు. అధికారులు స్పందించి సమస్య పరిష్కరించాలని కోరుతున్నారు.

అనంతపురం జిల్లా ఉరవకొండ పట్టణంలో తీవ్ర నీటి ఎద్దడి ఏర్పడింది. పది రోజులుగా తాగునీరు రాక పట్టణ వాసులు అవస్థలు పడుతున్నారు. గురువారం వచ్చిన నీరు కలుషితంగా ఉండి తాగేందుకూ పనికి రాకుండా ఉందన్నారు.

ఈ నీటిని తాగితే అనేక రకాల అనారోగ్య సమస్యలు వస్తాయంటూ ఆవేదన చెందుతున్నారు. అధికారులు స్పందించి వెంటనే సమస్యను పరిష్కరించాలని పట్టణ ప్రజలు కోరుతున్నారు. శుద్ధమైన నీటిని సరఫరా చేయాలన్నారు.

ఇదీ చదవండి: