ఆంధ్ర-కర్ణాటక సరిహద్దుల్లో చెక్​పోస్ట్​.. కరోనా కట్టడికి చర్యలు

కరోనా వైరస్ రెండోదశ చాపకింద నీరులా విస్తరిస్తున్న సమయంలో పోలీసులు అప్రమత్తమయ్యారు. అనంతపురం జిల్లాలో ఆంధ్ర-కర్ణాటక సరిహద్దు వద్ద చెక్​పోస్ట్​ ఏర్పాటు చేసి తనిఖీలు నిర్వహిస్తున్నారు. విదేశీ ప్రయాణికులను గుర్తించి పలు సూచనలు చేస్తున్నారు.

కరోనా వైరస్ పాజిటివ్ కేసులు రోజురోజుకి పెరుగుతున్న నేపథ్యంలో ఆంధ్ర-కర్ణాటక రాష్ట్రాల సరిహద్దుల్లో పోలీసులు విస్తృతంగా తనిఖీలు చేస్తూ అవగాహన కల్పిస్తున్నారు. అనంతపురం జిల్లా హిందూపురం నియోజకవర్గంలోని చిలమత్తూరు మండలం కొడికొండ చెక్​పోస్ట్​ వద్ద కర్ణాటక రాష్ట్రం వైపు నుండి వచ్చే వాహనాలను ఆపి మాస్కు వినియోగించాలని, శానిటైజర్​ వాడాలని సూచిస్తున్నారు.

కర్ణాటక రాష్ట్రంలోని బెంగళూరు దేవనహళ్లి విదేశీ విమానాశ్రయం ఈ చెక్​పోస్ట్​కు సమీపంలో ఉండడం చేత ఎవరైనా విదేశాల నుంచి వస్తున్నారా అనే కోణంలో విచారిస్తున్నారు. అలా వచ్చే వారిని గుర్తించి 15 రోజులపాటు క్వారంటైన్​లో ఉండాలని సూచిస్తున్నారు. కరోనా వైరస్ వ్యాప్తికి అడ్డుకట్ట వేసేందుకు క్షుణ్ణంగా తనిఖీలు నిర్వహిస్తున్నారు.

ఇవీ చదవండి: