ఈ కానిస్టేబుళ్లు.. కరోనాను జయించారు.. విధులకు హాజరయ్యారు!

అనంతపురం జిల్లా తాడిపత్రి పట్టణ పోలీస్ స్టేషన్​లో పనిచేస్తూ కరోనా బారిన పడిన కానిస్టేబుళ్లు కోలుకున్నారు. తిరిగి విధులకు హాజరయ్యారు. వారికి పోలీసు ఉన్నతాధికారులు స్వాగతం పలికారు.

కరోనా మహమ్మారి బారినపడి కోలుకుని విధుల్లోకి వచ్చిన పోలీసులను ఉన్నతాధికారులు అభినందించారు. అనంతపురం జిల్లా తాడిపత్రి పట్టణ పోలీస్ స్టేషన్​లో పనిచేస్తున్న నలుగురు కానిస్టేబుళ్లు, సీఐ, ఎస్సై ఇటీవల కొవిడ్ బారిన పడ్డారు. నలుగురు కానిస్టేబుళ్లు కోలుకుని నేడు విధులకు హాజరయ్యారు. వీరికి ఇన్​ఛార్జ్ సీఐ వెంకటేశ్వర్లు, ఎస్​ఐ ఖాజా హుస్సేన్​లు స్వాగతం పలికారు. వైరస్​ను జయించింనందుకు అభినందనలు తెలియజేశారు. త్వరలోనే సీఐ, ఎస్సైలు కూడా విధుల్లోకి రానున్నట్లు వారు తెలిపారు.

ఇవీ చదవండి...