Police Arrested Two Drug Dealers: అనంతపురం నగర శివారు ప్రాంతంలో డ్రగ్స్ విక్రయిస్తున్న కర్ణాటకకు చెంది ఇద్దరు వ్యక్తులను అదుపులోకి తీసుకున్నట్లు పోలీసులు వెల్లడించారు. వారి వద్ద నుంచి 8 గ్రాముల నిషేధిత డ్రగ్స్ను స్వాధీనం చేసుకున్నట్లు డీఎస్పీ ప్రసాద్ రెడ్డి వెల్లడించారు. కర్ణాటక ప్రాంతానికి చెందిన సయ్యద్ క్యూబ్ జావిద్, షేక్ పర్వేజ్ ఇద్దరు డ్రగ్స్ వాడటానికి అలవాటు పడ్డారు. వీరిద్దరూ డబ్బులు కోసం బెంగళూరులోని వివిధ ప్రాంతంలో డ్రగ్స్ను విక్రయించేవారని తెలిపారు. అక్కడ పోలీసులకు పట్టుబడి జైలుశిక్ష అనుభవించారు. విడుదలైన తర్వాత ఆంధ్రప్రదేశ్లో విక్రయాలు చేయాలని అనంతపురానికి వచ్చినట్లు డీఎస్పీ వెల్లడించారు.
నగర శివారులో అనుమానాస్పదంగా ఉన్న వీరిని మూడో పట్టణ పోలీసులు పట్టుకొని విచారించగా.. అసలు విషయం తెలిసిందని ఆయన తెలిపారు. ఇందులో ప్రధాన సూత్రధారి నైజీరియా దేశానికి చెందిన అంటోనీ శ్యాముల్గా గుర్తించామన్నారు. ప్రస్తుతం ఇతను అరెస్టై బెంగళూరు జైల్లో ఉన్నట్లు తెలిసిందన్నారు. వీరిని అరెస్ట్ చేసి రిమాండ్ పంపుతున్నట్టు డీఎస్పీ ప్రసాద్ రెడ్డి పేర్కొన్నారు.
ఇవీ చదవండి:
