అనంతపురం ద్వారకనగర్లో పేకాట స్థావరాలపై పోలీసులు దాడులు చేపట్టారు. 9మంది పేకాటరాయుళ్లను అరెస్టు చేసి వారి వద్ద నుంచి తొమ్మిది చరవాణులతోపాటు రూ.2,73,860 స్వాధీనం చేసుకున్నట్లు మూడో పట్టణ పోలీస్ స్టేషన్ సీఐ రెడ్డప్ప తెలిపారు. చట్టవిరుద్ధమైన చర్యలకు పాల్పడితే కఠిన చర్యలు తీసుకుంటామని పోలీసులు హెచ్చరించారు.
పత్రికా కార్యాలయం ముసుగులో...
పత్రికా కార్యాలయం ముసుగులో పేకాట శిబిరం నిర్వహిస్తున్న ముఠాను నల్లపాడు పోలీసులు అరెస్ట్ చేశారు. గుంటూరు నల్లపాడు పోలీస్ స్టేషన్ పరిధిలోని సదాశివనగర్ లోని ఓ దినపత్రిక ఆఫీసులో పేకాట ఆడుతున్నట్లు వచ్చిన సమాచారం మేరకు నల్లపాడు పోలీసులు మెరుపుదాడులు చేశారు. పేకాట ఆడుతున్న 13 మంది పేకాట రాయుళ్లను, 51 వేల నగదు, 12 సెల్ ఫోన్లు, 9 ద్విచక్ర వాహనాలను పోలీసులు స్వాధీనం చేసుకున్నారు. కేసు నమోదు చేసిన నల్లపాడు పోలీసులు దర్యాప్తు చేస్తున్నారు
ఇదీ చదవండి: వివాహిత ఆత్మహత్య ...వేధింపులే కారణమా!
