అనంతపురం జిల్లా ఉరవకొండలో గడియార స్తంభం వద్ద యాచకుడు పడిపోయి ఉండడాన్ని గమనించిన స్థానికులు పోలీసులకు సమాచారం ఇచ్చారు. సంఘటనా స్థలానికి చేరిన ఎస్సై రమేశ్ రెడ్డి.. అతను మరణించినట్లు తెలుసుకున్నాడు. వెంటనే ఆపద్బాంధవ ట్రస్ట్ సభ్యులు, పంచాయతీ సిబ్బందికి సమాచారం అందించారు. పంచాయతీ సిబ్బందితో కలిసి ట్రస్టు సభ్యులు ఆ మృతదేహాన్ని శ్మశానవాటికకు తరలించి అంత్యక్రియలు నిర్వహించారు. కరోనా కష్టకాలంలో కూడా మానవత్వంతో ముందుకు వచ్చి యాచకుడికి అంత్యక్రియలు నిర్వహించిన ఆపద్బాంధవ ట్రస్ట్ సభ్యులను ఎస్సై రమేశ్ రెడ్డి, స్థానికులు అభినందించారు.
ఇదీ చదవండి: 'ప్రభుత్వం కరోనా మరణాలపై తప్పుడు లెక్కలు చెబుతోంది'
