వడియాలు చేస్తుండగా సిలిండర్ పేలి ..నలుగురికి గాయాలు
అనంతపురం జిల్లా కంబదూరు మండలం నూతిమడుగు గ్రామ శివారులో గ్యాస్ సిలిండర్ పేలి నలుగురికి గాయాలయ్యాయి. వడియాలు చేస్తుండగా ప్రమాదవశాత్తు సిలిండర్ పేలింది. ఇంటికి దగ్గరలో ఉన్న మారుతి ఓమ్ని వాన్ కూడా అంటుకోవడంతో... గ్రామంలోని యువకులు దూరంగా లాక్కెళ్లి మంటలు ఆర్పారు. ఈ సంఘటనలో తమిళనాడుకు చెందిన మునియాండి, ఆ గ్రామానికి చెందిన బెస్త వెంకటరమణ, మునియమ్మ, ఓ చిన్నారి గాయపడ్డారు. క్షతగాత్రులను కల్యాణదుర్గం ఆసుపత్రికి తరలించారు.
