అనంతపురం జిల్లా కుందుర్పి మండల కేంద్రంలోని సామాజిక ఆరోగ్య కేంద్రంలో గర్భిణికి వైద్యం అందించలేదని మాజీ ఎమ్మెల్యే హనుమంత చౌదరి ఆగ్రహం వ్యక్తం చేశారు. బ్రహ్మసముద్రం మండలం వెంకటాపురం గ్రామానికి చెందిన నాగమ్మకు పురిటినొప్పులు రావటంతో కుందుర్పి ఆస్పత్రికి తీసుకెళ్లారు. ఆమెకు సంబంధించిన ఆరోగ్య వివరాలు ఏమిలేవని వైద్యం అందించలేదు. మండలంలో జరిగే ఓ కార్యక్రమంలో పాల్గొనటానికి వచ్చిన మాజీ ఎమ్మెల్యేకు విషయం తెలిసి ఆరోగ్య కేంద్రం ముందు బైఠాయించి..ఆస్పత్రి సిబ్బందిపై మండిపడ్డారు. నాగమ్మ వివరాలు లేవని..పరీక్షలు చేసేందుకు ఎవరూ అందుబాటులో లేకపోవటంతో ఆమెకు చికిత్స అందించలేకపోయామని చెప్పారు.
ఇదీ చదవండి: వైద్య కళాశాల, సూపర్ స్పెషాలిటీ ఆస్పత్రికి భూమి కేటాయింపు
