అనంతపురం జిల్లా గుంతకల్లు పట్టణంలోని ప్రభుత్వాస్పత్రి వద్ద 18 రోజులుగా బీజేవైఎం సభ్యులు కరోనా రోగులకు ఉచిత భోజనం అందిస్తున్నారు. ఈ భోజనం పంపిణీలో కొవిడ్ నిబంధనలు పాటించడం లేదంటూ నిర్వాహకులకు పోలీసులు నోటీసులు జారీ చేశారు. ఈ ఘటనపై స్పందించిన నిర్వాహకులు.. ఉద్దేశపూర్వకంగానే స్థానిక డీఎస్పీ ఈ చర్యలకు పాల్పడుతున్నారని ఆరోపించారు. పోలీసుల తీరుకు నిరసనగా నల్ల దుస్తులు, బ్యాడ్జిలు ధరించి సేవను కొనసాగిస్తామని బీజేవైఎం నేతలు తెలిపారు. ఈ ఘటనపై గుంతకల్లు డీఎస్పీ షర్ఫుద్దీన్ను వివరణ కోరగా.. భోజన పంపిణీ కేంద్రం వద్ద తాము జరిమానా వేయలేదని, మంగళవారం కారులో వచ్చిన వారికి చలాన్ వేశామని వెల్లడించారు.
ఇదీచదవండి.
