కరోనా కేసులు రోజు రోజుకూ పెరుగుతున్నా.. ఇంకా కొందరు భౌతిక దూరం పాటించడం లేదు. ఇందుకు చర్యలు తీసుకోవడంలోనూ అధికారులు నిర్లక్ష్యం వహిస్తున్నారు. అనంతపురంలోని టవర్ క్లాక్ పరిసరాల్లో ఉన్న కెనరా బ్యాంకు ముందు.. రైతులు పెద్ద సంఖ్యలో క్యూ కట్టారు. భౌతిక దూరం మాటే మరిచిన వారి తీరును.. అధికారులూ పట్టించుకోకపోవడంపై.. స్థానికులు ఆందోళన వ్యక్తం చేస్తున్నారు.
బ్యాంకు క్యూలో గుంపు..
రుణాలు తీసుకున్న రైతులు వడ్డీ కట్టాలని అధికారులు స్పష్టం చేస్తున్న కారణంగా రైతులు బ్యాంకుకు వచ్చారు. వీరితో పాటు ఖాతాదారులూ వచ్చిన కారణంగా... బ్యాంకు వద్ద జనం గుమిగూడారు. భౌతిక దూరం పాటించాలని.. లేకపోతే వ్యాధి సోకే ప్రమాదం ఉందని సిబ్బంది హెచ్చరించినా వాళ్లు పట్టించుకోవట్లేదు. బ్యాంకు ఉన్నతాధికారులూ ఈ విషయాన్ని అంత సీరియస్ గా తీసుకోకపోవడం.. సమీప ప్రజలను ఆందోళనకు గురి చేసింది.
ఇవీ చూడండి:
రఘురామ కేసు: సీఐడీ కోర్టు తీర్పుపై హైకోర్టులో ప్రభుత్వం లంచ్‌ మోషన్‌ పిటిషన్‌
