An young man lost his mind due to pubg: అనంతపురం జిల్లా రాయదుర్గం నియోజకవర్గంలోని కనేకల్ మండలం బెణకల్లు గ్రామానికి చెందిన 19ఏళ్ల యువకుడు మహేష్ ఇంటర్ చదువుతూ...మధ్యలో మానేశాడు.రోజువారి కూలి పనులకు వెళ్తూ..వచ్చిన సొమ్ముతో బతుకుతున్నాడు. ఇలా కూలి చేయగా వచ్చిన డబ్బుతో స్మార్ట్ ఫోన్ కొన్నాడు. కొత్త ఫోన్లో రకరకాల ఆటలు ఆడుతూ గడిపేవాడు. ఫోన్ రాక ముందు అందరితో కలివిడిగా..సరదాగా కలిసి గడిపిన మహేష్ మారిపోయాడు. రోజులో ఎక్కువ సమయం ఫోన్తోనే గడపడం మొదలుపెట్టాడు. పగలూ,రాత్రి తేడా లేకుండా స్మార్ట్ ఫోన్లో మునిగి తేలేవాడు. పబ్జి మొబైల్ గేమ్స్ ఆడుతూ ఫోన్కు బానిసయ్యాడు. చివరకు పనులు కూడా మానేసి ఇంట్లో ఉంటూ రాత్రి, పగలు తేడా లేకుండా స్మార్ట్ ఫోన్తోనే గడిపేవాడు. ఇలా 3 నెలలు నిద్ర కూడా మానేశాడు. దీంతో మహేష్ ఆరోగ్యం క్షీణించింది.
ఆ తర్వాత నుంచి మహేష్ ఏం మాట్లాడుతున్నాడో.. ఎదుటివారు ఏమి అడుగుతున్నారో కూడా తెలుసుకోలేని స్థితికి చేరాడు. దీంతో ఆందోళన చెందిన మహేష్ తల్లిదండ్రులు, మంత్రగాడి వద్దకు కూడా తీసుకెళ్లారు. నయం కాకపోవడంతో ప్రైవేట్ ల్యాబ్కు వెళ్లారు. సమస్యను అర్థం చేసుకున్న ల్యాబ్ టెక్నీషియన్.. పూర్తి వివరాలు రాబట్టాడు. స్మార్ట్ ఫోన్ కారణంగా మహేష్ ఈ స్థితికి చేరుకున్నట్లు గుర్తించాడు. మెరుగైన చికిత్స కోసం వైద్యనిపుణులను సంప్రదించాలని సూచించారు.
ఇదీ చదవండి :
Minister Balineni On Power Cut: రాష్ట్రంలో విద్యుత్ కోతలు ఎక్కడున్నాయి ?: మంత్రి బాలినేని
