అతి తక్కువ సమయంలో అంతర సేద్యం చేసి పలువురి ప్రశంసలు అందుకుంటున్నాడు ఓ యువ రైతు. అనంతపురం జిల్లా ఉరవకొండ మండలం వెలిగొండ గ్రామానికి చెందిన సిద్ధప్పకు వృషభాలు, వ్యవసాయం అంటే ఎంతో ఇష్టం. 18 ఎకరాల కంది పంటలో ఒకే రోజులో అంతర సేద్యం చేయాలనుకున్నాడు సిద్ధప్ప.
అందుకు గ్రామానికి చెందిన రామదాసు పొలాన్ని ఎంచుకున్నాడు. ఉదయం 5 గంటలకు సేద్యం ప్రారంభించి, మధ్యాహ్నం 1:30 గంటలకు పూర్తి చేశాడు. సాధారణంగా ఒకే రోజులో అంత పొలంలో అంతర సేద్యం చేయాలంటే కనీసం 4 జతల ఎద్దులతో పని చేయాల్సి ఉంటుంది. ఒక జత ఎద్దులతో అయితే కనీసం ఈ పనికి 4 రోజులు పడుతుందని రైతులు చెబుతున్నారు. అసాధ్యం అనుకున్న పనిని సుసాధ్యం చేసి చూపాడంటూ.. సిద్ధప్పను గ్రామస్థులు పూలమాలలతో సత్కరించి.. అభినందించారు.
ఇదీ చదవండి:
