మందారంతో చుండ్రును దూరం చేయండిలా..!

అధిక వేడి, జిడ్డు, పోషణ లోపించడం వంటి అనేక కారణాలు జుట్టుపై ప్రభావం చూపిస్తాయి. ముఖ్యంగా చుండ్రుకి కారణమవుతాయి. దీన్ని అదుపులో ఉంచాలంటే...

• గుప్పెడు చొప్పున మందారపూలూ, ఆకులూ, కప్పు కలబంద గుజ్జు తీసుకుని కొబ్బరినూనెలో వేసి మరిగించాలి. చల్లారాక దాన్ని వడకట్టి గాలి చొరని డబ్బాలో భద్రపరుచుకోవాలి. రెండు రోజులకోసారి ఈ నూనెను తలకు పట్టించి మర్దన చేయాలి. ఇలా కనీసం రెండు నెలల పాటూ చేస్తే చుండ్రు అదుపులోకి వస్తుంది. జుట్టు రాలడం తగ్గుతుంది.
• గుప్పెడు గులాబీరేకలు, కప్పు చొప్పున మునగాకు, కరివేపాకు, ఆముదం, కొబ్బరినూనె తీసుకుని మరిగించాలి. ఆ మిశ్రమం సగం అయ్యాక దాన్ని సీసాలో భద్రపరుచుకోవాలి. దీన్ని తలకు పెట్టుకుని మర్దన చేయాలి. ఆపై ఓ గంటాగి తలస్నానం చేస్తే మేలు. జుట్టు ఆరోగ్యంగా ఎదుగుతుంది. చుండ్రు నివారణ సాధ్యమవుతుంది.

ఇదీ చూడండి : ఏపీ, తెలంగాణ మధ్య త్వరలోనే బస్సు సర్వీసుల పునః ప్రారంభం!