కుటుంబ కలహాలతో ఒంటికి నిప్పంటించుకుని తల్లి, కూతురు ఆత్మహత్యాయత్నం చేశారు. ఈ ఘటన రంగారెడ్డి జిల్లా మొగలిగిద్దలో శనివారం సాయంత్రం జరిగింది. ప్రైవేట్ బస్కు డ్రైవర్గా పని చేసే పాండు భార్య చంద్రకళ(40), కూతురు స్రవంతి(17)కుటుంబంలో శనివారం సాయంత్రం గొడవలు జరిగాయి. అవికాస్తా ఎక్కువై తల్లి, కూతురు ఇద్దరూ శరీరంపై కిరోసిన్ పోసుకుని నిప్పంటించుకున్నారు.
అక్కడే ఉన్న పాండు మంటలు ఆర్పి వారిని షాద్నగర్ ప్రభుత్వాస్పత్రికి తరలించాడు. తల్లి 90, కూతురు 70 శాతం మేర కాలినట్లు వైద్యులు తెలుపగా.. అక్కడి నుంచి ఉస్మానియా ఆసుపత్రికి తీసుకెళ్లారు. ఇద్దరి పరిస్థితి విషమంగా ఉన్నట్లు వైద్యులు తెలిపారు. ఆత్మాహత్యాయత్నానికి గల పూర్తి కారణాలు తెలియాల్సి ఉంది.
