VIRAL VIDEO పేకాట ఆడుతున్న చిన్నారులను వాళ్లు ఏం చేశారో తెలిస్తే షాక్?

Attack on Children Viral Video: చిన్నపిల్లలు తప్పు చేస్తే దండించడం ఎక్కడైనా జరిగేదే. అయితే.. మరీ పెద్ద శిక్షలు కాకుండా.. ఓ చెంప దెబ్బ.. లేదంటే గోడ కుర్చీ.. మరీ ఎక్కువ అంటే.. కర్రతో ఓ రెండు దెబ్బలు కొట్టడం చేస్తారు. ఇంతకు మించి ఎక్కువగా శిక్షించడానికి ఎవరికీ మనసొప్పదు. కానీ.. ఇక్కడ మాత్రం చిన్నారులపై కొంతమంది పైశాచికంగా ప్రవర్తించారు. వారిని నగ్నంగా చేసి విచక్షణారహితంగా దాడి చేశారు. తెలంగాణలో జరిగిన ఈ ఘటన.. ఆలస్యంగా వెలుగులోకి వచ్చింది.

Attack on Children Viral Video: తెలంగాణలోని హైదరాబాద్​ మంగళ్​హాట్​ పోలీస్​ స్టేషన్​ పరిధిలో గత నెల 29న జరిగిన అమానుష ఘటన ఆలస్యంగా వెలుగులోకి వచ్చింది. చిన్నారులు పేకాట ఆడుతున్నారనే కారణంతో వారిని నగ్నంగా చేసి విచక్షణారహితంగా దాడికి పాల్పడ్డారు. వీడియో వైరల్​ కావడంతో పోలీసుల దృష్టికి చేరింది. స్థానిక పోలీసులు తెలిపిన వివరాలు ఇలా ఉన్నాయి.

గత శుక్రవారం ధూల్​పేట్​ పరిధిలోని ఓ కొండపై 16 మంది చిన్నారులు పేకాట ఆడుతున్నారు. ఇది గమనించిన ముగ్గురు యువకులు.. వారిని నగ్నంగా చేశారు. అనంతరం చిన్నారులపై విచక్షణారహితంగా కర్రతో దాడికి పాల్పడ్డారు. ముగ్గురిలో మరో యువకుడు.. ఆ వీడియోను తన ఫోన్లో చిత్రీకరించాడు.