Laptop Blast: కడప జిల్లా బి.కోడూరు మండలం మేకవారిపల్లి గ్రామంలో ప్రమాదం జరిగింది. వర్క్ ఫ్రం హోమ్లో భాగంగా గ్రామానికి చెందిన సాఫ్ట్ వేర్ ఉద్యోగిని సుమతి.. ఇంటి దగ్గరే విధులు నిర్వహిస్తోంది. విధుల్లో భాగంగా ఈ రోజు ఉదయం లాప్టాప్కు ఛార్జింగ్ పెట్టి ఒడిలో పెట్టుకుని పని చేస్తుండగా ఒక్కసారిగా పేలింది. గది లోపల లాక్ పెట్టుకుని విధులు నిర్వహిస్తుండగా ఈ ఘటన జరగడంతో కుటుంబ సభ్యులు ఆమెను కాపాడడంలో ఆలస్యమైంది. గదిలోనుంచి మంటలు రావడంతో గుర్తించిన కుటుంబ సభ్యులు ఆమెను బయటకు తీసుకొచ్చి చికిత్స నిమిత్తం కడపలోని ఓ ప్రైవేట్ ఆసుపత్రికి తరలించారు. ప్రస్తుతం ఆమె పరిస్థితి విషమంగా ఉంది. పరీక్షించిన వైద్యులు ఆమెను కడప రిమ్స్కి తీసుకెళ్లాలని సూచించారు.
ఇదీ చదవండి: మూడేళ్లలో ముందుకు సాగని సాగునీటి ప్రాజెక్టులు... ఎప్పటికప్పుడు గడువు పెంపు!
