murders at kothagudem: తెలంగాణలోని హైదరాబాద్ శివారులోని రంగారెడ్డి, యాదాద్రి జిల్లాల సరిహద్దుల్లో ఓ మహిళ, యువకుడు దారుణహత్యకు గురయ్యాడు. యాదాద్రి జిల్లా కొత్తగూడెం వంతెన వద్ద కుళ్లిన స్థితిలో ఇద్దరి మృతదేహాలు లభ్యమయ్యాయి. మృతులు సికింద్రాబాద్ చిలకలగూడ పోలీస్‌స్టేషన్‌ పరిధిలో నివాసముండే వారిగా పోలీసులు గుర్తించారు. వారాసిగూడకు చెందిన యశ్వంత్ గత ఆదివారం సాయంత్రం ఇంటి నుంచి వెళ్లి తిరిగిరాలేదు. దీంతో తల్లిదండ్రులు అదే రోజు పోలీసులకు ఫిర్యాదు చేశారు.
అబ్దుల్లాపూర్మెట్ సమీపంలోని కొత్తగూడెం వంతెన వద్ద కంపచెట్ల మధ్య నగ్నంగా పడి ఉన్న మృతదేహాలు లభ్యమయ్యాయి. ఘటనాస్థలికి చేరుకున్న పోలీసులు అక్కడ లభ్యమైన ఆధారాలు పరిశీలించగా మృతులు వివరాలు వెలుగులోకి వచ్చాయి. ద్విచక్రవాహనం, ఘటనాస్థలిలో లభించిన బ్యాగులో ఉన్న ఆధారాలతో వీరు వారాసిగూడకు చెందిన వారిగా గుర్తించారు.
మా అన్న డ్రైవింగ్ చేస్తాడు. ఆదివారం నా బండి తీసుకపోయిండు. అమ్మాయి కూడా ఎవరో తెల్వదు. చిన్న చిన్న గొడవలు అయితుండే. అవి కూడా కాంప్రమెజ్ అయ్యుండే. మాకు ఎవరి మీద అనుమానం లేదు. - అనిరుధ్, మృతుని సోదరుడు
ఇక్కడ చూస్తే ఇది మర్డర్లాగే కనిపిస్తోంది. వారి పేర్లు యశ్వంత్, జ్యోతి. మహిళ వివాహిత. ఇది ప్రాథమికంగా హత్యలుగా నిర్ధారించాం. ఇద్దరు సికింద్రాబాద్కు వారాసిగూడకు చెందినవారు. మాకు ఘటనాస్థలిలో స్కూటర్ దొరికింది. మాకు లభించిన ఆధారాలతో అన్ని కోణాల్లో దర్యాప్తు చేస్తాం.
-సన్‌ప్రీత్‌సింగ్‌, ఎల్బీనగర్‌ డీసీపీ
ఆ వ్యవహారమే కారణమా..: హత్యకు గురైంది డ్రైవర్‌గా పనిచేస్తున్న యశ్వంత్‌తో పాటు వివాహిత జ్యోతిగా పోలీసులు గుర్తించారు. యశ్వంత్ మర్మాంగాన్ని జ్యోతి ముఖాన్ని హంతకులు ఛిద్రం చేశారు. మహిళ ముఖంపై రాయితో బాది చంపేశారు. ఘటనాస్థలాన్ని ఎల్బీనగర్‌ డీసీపీ సన్‌ప్రీత్‌సింగ్‌ పరిశీలించారు. జ్యోతికి ఇప్పటికే ఇద్దరు పిల్లలు ఉన్నట్లు గుర్తించామని ఘటనపై అన్ని కోణాల్లో విచారణ జరుపుతున్నట్లు తెలిపారు. వీరిద్దరి మధ్య వివాహేతర సంబంధం ఉన్నట్లు పోలీసులు అనుమానిస్తున్నారు.
ఇదీ చదవండి: రాష్ట్రంలో ఎన్నో ఘోరాలు.. అదృష్టం బాగుండి నేను బయటపడ్డా: ఎంపీ రఘురామ
