కృష్ణా జిల్లా పోలవరం కుడి కాల్వలో గల్లంతైన చిన్నారి మృతదేహం లభ్యమైంది. స్నేహితులతో కలిసి చిన్నారి చింతల నాంచారమ్మ(7) బహిర్భూమికి వెళ్లింది. ఆ సమయంలోనే గన్నవరం మండలం కొత్తగూడెం వద్ద నిన్న సాయంత్రం గల్లంతైంది. విషయం గుర్తించిన బాలిక స్నేహితులు తల్లిదండ్రులకు, గ్రామస్థులకు సమాచారం ఇచ్చారు. తల్లిదండ్రుల ఫిర్యాదుతో రంగంలోకి దిగిన పోలీసులు నాంచారమ్మ కోసం గాలింపు చర్యలు చేపట్టారు. గొల్లనపల్లి లాక్‌లు మూసివేయడం వల్ల తెల్లారేసరికి చిన్నారి మృతదేహాన్ని గుర్తించగలిగారు.
ఇదీ చూడండి:DISHA ENCOUNTER CASE: క్లూస్ టీం అధికారిపై ప్రశ్నల వర్షం.. సజ్జనార్ విచారణ వాయిదా
