ప్రపంచ పొగాకు వ్యతిరేక దినోత్సవం విశాఖ బీచ్‌లో విద్యార్థులు అవగాహన కార్యక్రమం నిర్వహించారు. కేర్ అండ్ లవ్ స్వచ్ఛంద సంస్థ ఆధ్వర్యంలో జరిగిన ఈ చైతన్యనడకలో... మార్నింగ్ వాక్కు వచ్చే వారికి పొగాకు కారణంగా కలిగే నష్టాలు వివరించారు. విద్యార్థులంతా ప్లకార్డులు పట్టుకుని పోగాకుకు వ్యతిరేకంగా నినాదాలు చేశారు. వై యంసీఏ వద్ద నుంచి కాళీమాత ఆలయం వరకు ఈ అవగాహన నడక కొనసాగింది. పొగాకు ఉత్పత్తులు వాడిన ఎన్నో కుటుంబాలు రోడ్డున పడ్డాయని.. అలాగే వాటి వలన పర్యావరణానికి తీవ్ర ముప్పు వాటిల్లుతుందని తెలిపారు. ప్రభుత్వం తక్షణమే పొగాకు ఉత్పత్తులు నిషేధించాలని డిమాండ్ చేశారు.
పొగాకు వద్దు పర్యావరణమే ముద్దు- విద్యార్థుల అవగాహన కార్యక్రమం
