సీఎంవో నుంచి ఫోన్ చేస్తున్నానంటూ ఎమ్మెల్యేలను మోసం చేస్తున్న ఓ సైబర్ మోసగాడిని రాజస్థాన్ పోలీసులు విశాఖలో అదుపులోకి తీసుకున్నారు. శ్రీనగర్కు చెందిన విష్ణుమూర్తి అలియాస్ సాగర్.. సీఎంవో నుంచి ఫోన్ చేస్తున్నానంటూ రాజస్థాన్కు చెందిన ఓ ఎమ్మెల్యేకు ఫోన్ చేసి రూ.20 లక్షలు డిమాండ్ చేశాడు. దీంతో సదరు ఎమ్మెల్యే తనకు వచ్చిన ఫోన్ కాల్పై రాజస్థాన్ భివాండి పీఎస్లో ఫిర్యాదు చేశాడు.
కేసు నమోదు చేసుకున్న పోలీసులు.. సాంకేతిక పరిజ్ఞానాన్ని ఉపయోగించి నిందితుడు విశాఖలోని గాజువాక నుంచి మాట్లాడినట్లు గుర్తించారు. అనంతరం విశాఖ చేరుకొని సైబర్ నేరగాడిని అదుపులోకి తీసుకున్నారు. ఇప్పటి వరకు ముగ్గురు ఎమ్మెల్యేల నుంచి రూ.2.5 కోట్లు వసూలు చేసినట్లు గుర్తించారు. ఆ డబ్బుతో తన ప్రేయసికి గాజువాకలో రూ.80 లక్షల విలువైన విలాసవంతమైన ఇల్లు కొనుగోలు చేసినట్లు పోలీసులు వెల్లడించారు.
ఇదీ చదవండి: Gang Rape: టైమ్ అడిగి భర్తతో వివాదం.. ఆపై భార్యపై అత్యాచారం: బాపట్ల ఎస్పీ
