విశాఖకు చెందిన కిరణ్, నరేష్ ఇంజినీరింగ్ చదువుతున్నప్పటి నుంచి స్నేహితులు. విభిన్నంగా ఆలోచిస్తూ కొత్త అంశాలను అందరికీ పరిచయం చేయడం వీరికి అలవాటు. ఇద్దరు పోస్ట్ గ్రాడ్యుయేషన్ ఇంజినీరింగ్ లు పూర్తయ్యాక భారీ వేతనాలతో బహుళ జాతి కంపెనీల్లో ఉద్యోగాలు సాధించారు. అనంతరం ఉద్యోగాలకు వదులుకుని సొంతంగా ఎదిగెందుకు ఆలోచన చేశారు. భిన్న ఆలోచనలతో కొత్త అంశాలపై ఎప్పుడూ దృష్టి పెట్టే వీరు... సొంతంగా సాఫ్ట్ వేర్ కంపెనీ పెట్టి యువ ఇంజినీర్లకు ఉద్యోగాలు కల్పిస్తున్నారు.
ఎప్పటికప్పుడు విభిన్న సాఫ్ట్ వేర్ ఉత్పత్తులను రూపొందించే ఈ యువబృందం... తాజాగా టిక్ టాక్ తరహాలో రీమష్ యాప్ ను రూపొందించారు. ఎనిమిది నెలల నుంచి అభివృద్ధి చేసిన ఈ యాప్ ఇటీవలె ప్లేస్టోర్ లో విడుదల చేశారు. చైనా యాప్ ల నిషేధం, రీమష్ కూడా టిక్ టాక్ ను పోలి ఉండడంతో డౌన్ లోడ్లు పెరిగాయి. సాంకేతికంగా భారతీయులకు అవసరమైన అన్ని అంశాలను రీమష్ లో పొందుపర్చడంతో యాప్ కు ఆదరణ పెరిగింది. కేవలం ప్లేస్టోర్ పెట్టిన మూడు వారాల్లోనే లక్షకు పైగా డౌన్ లోడ్లు అయ్యాయని ఈ యువ ఇంజినీర్లు చెబుతున్నారు.
యాప్ లో ఎప్పటికప్పుడు నూతన సాంకేతిక జోడిస్తున్నామని కిరణ్ అంటున్నారు. రానున్న కాలంలో మరింతగా అభివృద్ధి చేయడానికి శ్రమిస్తున్నామని చెబుతున్నారు. వందల సంఖ్యలో టెంప్లేట్లు అందుబాటులో ఉన్న రీమష్ ఇతర యాప్ ల కన్నా విభిన్నంగా ఉంటుందని నరేష్ అంటున్నారు. రానున్న కాలంలో యాప్ ను ఐవోఎస్ లో కూడా అందుబాటులో తీసుకురానున్నట్లు తెలిపారు.
ఇదీ చదవండి:
