పంచగ్రామాలపై నివేదికకు కలెక్టర్ ఆదేశం

విశాఖ జిల్లాలోని పంచగ్రామాల సమస్యను పరిష్కరించేందుకు తగిన సూచనలతో నివేదికను రూపొందించాలని కలెక్టర్​ వినయ్ చంద్​ అధికారులను ఆదేశించారు. ఈ గ్రామాల్లో ఉన్న భూముల వివరాలు, ఆడంగల్ ప్రకారం నివేదిక సమర్పించాలని కోరారు.

పంచగ్రామాల సమస్యపై నివేదికను అందించాలని విశాఖ జిల్లా కలెక్టర్ వినయ్ చంద్ అధికారులను ఆదేశించారు. విశాఖ గ్రామీణ మండల పరిధిలోని అడవివరం, వెంకటాపురం, పెందుర్తి మండల పరిధిలో చీమలాపల్లి, పురుషోత్తపురం, వేపగుంట పంచగ్రామాల సమస్యపై కలెక్టర్ సమీక్షించారు. ఈ గ్రామాల్లోని భూముల వివరాలు, ఆడంగల్ ప్రకారం క్రోడీకరించి నివేదిక సమర్పించాలన్నారు. పంచ గ్రామాల సమస్య పరిష్కారానికి అవసరమైన చర్యలను సిఫార్సు చేయాలని చెప్పారు. గత రికార్డులను సిద్ధంగా ఉంచాలన్నారు.

ఇదీ చదవండి : హిందూ ధర్మ పరిరక్షణ ట్రస్టుకు నిధుల కేటాయింపు రద్దు