కాదేదీ చిత్రకారుడి సృజనాత్మకతకు అనర్హం. కళాత్మక దృష్టి ఉంటే చాలు... రహదారి అయినా, ఎయిర్ పోర్టు లాంజ్ అయినా... ఇట్టే చూడముచ్చటగా మారిపోతుంది. విశాఖలోని ఆంధ్ర విశ్వకళాపరిషత్ లలిత కళల విభాగంలో చిత్రలేఖనం, శిల్పం అభ్యసించే విద్యార్థులు, అధ్యాపకులు...తీర్చిదిద్దిన చిత్రాలకు మంచి ఆదరణ లభిస్తోంది. ఫలితంగా నగరంలోని ప్రధాన రహదారులు, ప్రముఖ ప్రదేశాలు వీరి ప్రతిభ ప్రతిబింబిస్తున్నాయి.
విశాఖ విమానాశ్రయంలో స్థానిక విశేషాలకు దర్పణం పట్టేలా వివిధ చిత్రాలు రూపొందించారు. ఈ చిత్రాలు ప్రయాణికులను విశేషంగా ఆకట్టుకుంటున్నాయి. విశాఖ జిల్లా ఒక వైవిధ్యభరితమైన ప్రాంతం. సాగర తీరం, గిరిజన సంస్కృతి, నగరమంతా కాస్మోపాలిటన్ కళ.. ఇలా వీటన్నింటిని చాటి చెప్పేలా ఈ చిత్రాలు పరుచుకున్నాయి. ఇవన్నీ అంధ్ర విశ్వవిద్యాలయం నిపుణులు ఇచ్చిన అలోచనలతో రూపుదిద్దుకున్నాయి.
నాలుగేళ్ల ఫైనార్ట్స్ అభ్యాసం, శిక్షణలో విద్యార్థుల సృజనాత్మకతకు ఎక్కువ అవకాశం ఇస్తున్నామని ఆ విభాగం ఆచార్యులు పట్నాయక్ చెబుతున్నారు. ఫైన్ ఆర్ట్స్ విభాగంలో నిష్ణాతులైన విద్యార్థులు... సినిమాల్లో రాణిస్తున్నారు. పలు సినిమాల ఆర్ట్ డైరెక్షన్ విభాగాల్లో, యానిమేషన్ రంగంలో అవకాశాలు సాధిస్తున్నారు. ఈ అవకాశాలే వీరి ప్రతిభకు నిదర్శనం.
ఇదీ చదవండి:
