ప్రతి 3నెలలకోసారి విడుదలయ్యే ఎయిర్‌పోర్టు కౌన్సిల్‌ ఇంటర్నేషనల్‌ (ఏసీఐ) రేటింగ్‌ల్లో విశాఖ విమానాశ్రయం ప్రతిభ కనబరిచింది. ఈ ఏడాది జనవరి-మార్చి త్రైమాసికానికి కొన్ని విభాగాల్లో ముందు వరుసలో నిలిచింది. ఓవరాల్‌ రేటింగ్‌లు ఇలా ఉన్నాయి.
| త్రైమాసికం | రేటింగ్ | ర్యాంకు |
| 2018 అక్టోబరు-డిసెంబరు | 4.55 | 79 |
| 2019 జనవరి-మార్చి | 4.60 | 75 |
| " ఏప్రిల్‌-జూన్‌ | 4.53 | 88 |
| " జులై-సెప్టెంబరు | 4.23 | 160 |
| " అక్టోబరు-డిసెంబరు | 4.59 | 85 |
| 2020 జనవరి-మార్చి | 4.63 | 79 |
ప్రయాణికుల సంతృప్తి స్థాయిలిలా..
| త్రైమాసికం | ప్రయాణికులిచ్చిన రేటింగ్ | (ప్రపంచ సగటు) |
| 2018 అక్టోబరు-డిసెంబరు | 4.55 | (4.22) |
| 2019 జనవరి-మార్చి | 4.60 | (4.25) |
| " ఏప్రిల్‌-జూన్‌ | 4.53 | (4.24) |
| " జులై-సెప్టెంబరు | 4.23 | (4.22) |
| " అక్టోబరు-డిసెంబరు | 4.59 | (4.26) |
| 2020 జనవరి-మార్చి | 4.63 | (4.24) |
పరిమిత ప్రయాణికులు-అత్యున్నత ఏర్పాట్లు
- కరోనా నేపథ్యంలో విశాఖ విమానాశ్రయంలో ప్రత్యక చర్యలు తీసుకున్నారు. ప్రయాణికుల భద్రత, వేగవంతమైన స్క్రీనింగ్, ఇతర ధృవపత్రాల పరిశీలన, పనితీరులో సిబ్బంది చాలా చురుగ్గా వ్యవహరించింది.
- పాస్‌పోర్టు పరిశీలన, ఐడీ వెరిఫికేషన్‌ విభాగాల్లో అత్యున్నతంగా వృద్ధి చెందాయి. అక్కడి వేగానికి ప్రయాణికులు పూర్తి సంతృప్తి చెందినట్లు తెలుస్తోంది.
- పార్కింగ్, ట్రాలీ సదుపాయం, సిబ్బంది పనితీరు, భద్రత, విమాన సర్వీసుల సమయాల ప్రదర్శన, టెర్మినల్‌ లోపల నడక వసతి, వైఫై, బ్యాగేజీ డెలివరీ, కస్టమ్స్‌ అధికారుల పరిశీలన తదితర విభాగాల్లో గతం కంటే మెరుగ్గా ఉన్నట్లు ఫలితాలొచ్చాయి.
ఇంకాస్త..
2019-20 సంవత్సరానికి ప్రతీ అంతర్జాతీయ విమానాశ్రయానికి 4.68 రేటింగ్ ఉంటేనే అత్యుత్తమ ప్రమాణమని ఎయిర్‌పోర్టు కౌన్సెల్‌ ఇంటర్నేషనల్‌ నిర్ణయించింది. 0.05 తక్కువ రేటింగ్తో విశాఖ విమానాశ్రయం ఆ స్థాయిని చేరుకోలేకపోయింది. దీంతో ఈ ఏడాది జనవరి-మార్చి త్రైమాసికానికి 79వ స్థానంలో నిలిచింది. గతేడాది ఇదే త్రైమాసికంలో 75వ ర్యాంకు సాధించింది. దేశంలో తొలిర్యాంకు, అంతర్జాతీయంగా 21వ ర్యాంకు సాధించిన వారణాసి ఏకంగా 4.97 రేటింగ్ సాధించింది.
ఇదీచదవండి
