సుస్థిరాభివృద్ధి లక్ష్యాల్లో భాగంగా ఇండియా ఇండెక్స్- 2020 నివేదిక ప్రకారం అఫోర్డబుల్ క్లీన్ ఎనర్జీ అంశంలో ఆంధ్రప్రదేశ్ రాష్ట్రం మొదటి స్థానంలో నిలుస్తోందని నీతి ఆయోగ్ సలహాదారు సంయుక్తా సమాదార్ స్పష్టం చేశారు. అలాగే సుస్థిరాభివృద్ధి లక్ష్యం-14 లో భాగంగా లైఫ్ బిలో వాటర్ అంశంలో 2వ స్థానంలో నిలిచిందని ఆమె తెలిపారు. ఇక సుస్థిరాభివృద్ధి లక్ష్యం-6లో భాగంగా సురక్షిత మంచినీరు, పరిశుభ్రత అంశాల్లో 4వ స్థానంలోనూ, జెండర్ ఈక్వాలిటీ అంశంలో 5వ స్థానంలో నిలిచినట్టు ఆమె వివరించారు.
రెండు రోజుల వర్క్షాప్..
సచివాలయంలో రెండు రోజుల పాటు జరగనున్న రాష్ట్ర స్థాయి కార్యశాలలో సుస్థిరాభివృద్ధి లక్ష్యాలు.. వాటి సాధనలో ఆంధ్రప్రదేశ్ పనితీరు అంశంపై విశ్లేషించారు. రెండు రోజుల పాటు జరుగనున్న ఈ వర్క్ షాప్ లో నీతి ఆయోగ్ సలహాదారు సంయుక్తా సమాదార్ సహా ఏపీకి చెందిన ప్రణాళికాశాఖ కార్యదర్శి విజయకుమార్ సహా వివిధ శాఖలకు చెందిన కార్యదర్శులు ముఖ్యకార్యదర్శులు ఇతర అధికారులు హాజరయ్యారు. నీతి ఆయోగ్.. నోడల్ ఏజెన్సీ గా ఈ సుస్థిరాభివృద్ధి లక్ష్యాలను గమనిస్తోందని తెలిపారు. ఆంధ్రప్రదేశ్ 17 లక్ష్యాలను ఏర్పాటు చేసుకుని వాటిని సాధించేందుకు ప్రయత్నిస్తున్నట్టు తెలిపారు.
ఇదీ చదవండి:
HC On YSR Statue: వైఎస్ విగ్రహం ఏర్పాటు ఆపాలని పిటిషన్.. హైకోర్టులో విచారణ
