'దాహంతో అలమటిస్తున్నాం.. మంచినీరు అందించండి'

వేసవి తీవ్రతతో నీటి సమస్య తీవ్రరూపం దాల్చింది. తాగునీరు అందక విజయవాడ నగర శివారు కండ్రిక ప్రాంతంలో.. 64 వ డివిజన్ పరిధిలోని చిన్న కాలనీలో నీటి కోసం ప్రజలు తల్లడిల్లుతున్నారు.

విజయవాడ నగర శివారు కండ్రిక ప్రాంతంలోని 64వ డివిజన్ పరిధిలో... వారం రోజులుగా నీటి సమస్య ఏర్పడింది. స్థానిక మహిళలు ఆందోళన చేపట్టారు. సీపీఎం నాయకులు మద్ధతు తెలిపారు. రంజాన్ నెలలో మంచినీటి సమస్యతో పండగ కూడా చేసుకోలేకపోతున్నామని.. ముస్లిం కుటుంబాలు ఆవేదన చెందాయి.

మున్సిపల్ అధికారులకు కొద్దిపాటి మరమ్మతులు చేసి కేవలం రోజుకు గంట మాత్రమే నీరు అందిస్తున్నారని... స్థానిక మహిళలు వాపోయారు. కనీసం ట్యాంకర్లతో అయినా నిత్యం నీటిని సరఫరా చేయాలని కోరుతున్నారు.

ఇదీ చదవండి: